အဲလိုနဲ့..ကြီးပြင်းလာရော ဆိုပါစို့...အလယ်တန်းကျောင်းသူဘ၀မှာ အပြိုင်းအရိုင်းကြီးပြင်းတိုးတက်လာတဲ့ အရွယ်တွေနဲ့ ဖေဖေကစီးပွားရေးမှာ အနုတ်လက္ခဏာတွေနဲ့ ဆုတ်ယုတ်ချိန်..ထပ်တူကျခဲ့တော့..ငယ်ငယ်ကအဖြစ်တွေက အိပ်မက်လို..စီးပွားရေးမကောင်းတော့တဲ့ သာမာန်မိသားစုအိမ်တွေလိုပါပဲ..အလိုမကျမှုတွေ..အဆင်မပြေမှုတွေ..အရွဲ့တိုက်တာတွေနဲ့..မိသားစုက အရင်လို မအေးချမ်းတော့ဘူး..အကြီး အငယ် စိုးလှိုင်လဲ မိဘတွေရဲ့ နေညိုညိုမျက်နှာတွေကြား..တိတ်တဆိတ် နေ့ရက်တွေကိုဖြတ်သန်းရင်း.သာမာန်ကလေးတွေထက် နည်းနည်းလေးပိုနိမ့်ပါးတဲ့အခြေအနေမျိုးနဲ့ ကျောင်းတော်သူ ကျောင်းတော်သားဘ၀ကို ဖြတ်သန်းရင်း..ပေါ့လေ.ကျွန်မ အလယ်တန်းကျောင်းသူဘ၀ကို ဘယ်တော့မှပြန်မတမ်းတခဲ့ဖူးဘူး..တမ်းလဲမတမ်းတချင်ဘူး..ဆင်းရဲတယ်..နွမ်းပါးတယ်.
.သူငယ်ချင်းမရှိဘူး..ကျောင်းသွားလဲ..အတန်းထဲမှာ အထီးသိပ်ကျန်ခဲ့တယ်..တစ်ခုတော့ကောင်းခဲ့ပါတယ်..နာကျင်မှုနဲ့စာကပဲကိုယ့်ရဲ့အဖော်လိုဖြစ်လာခဲ့တော့.
.ဘက်လိုက်မှုမရှိတဲ့အခါမှာ အတန်းထဲကစာတော်သောအူကြောင်ကြောင်ကောင်မလေးတစ်ယောက်ဖြစ်လာခဲ့တယ်.
.ကောင်လေးတွေနှာခေါင်းရှူံ့ရယ်မောသံသဲ့သဲ့တွေကြား..ကျောင်းသူချောချောတွေရဲ့မှတ်ကျောက်တင်အကြည့်တွေကြားမှာ ကျရှူံးခဲ့တဲ့ကျွန်မ ရှစ်တန်းကို ပထမဆုနဲ့အောင်ခဲ့တယ်..ကိုငယ်က ဆိုးလာတယ်..သူ အိမ်ကနေ ခနခန ထွက်ပြေးတယ်...ငါးတန်းမှာ အတူတူ တက်နေရင်းက သူအိမ်က ထွက်ပြေးတယ်..မေမေကလိုက်ရှာ ပြန်ခေါ်..အဲဒါနဲ့ အတန်းမတူတော့ဘူး..ကိုငယ်က တစ်တန်းငယ်ပြီးကျန်ခဲ့တယ် (တကယ်တော့ အဲအချိန်ကတည်းက သူ ကျောင်းစာကိုစိတ်မ၀င်စားတော့ဘူး..သူ ရင်ဘတ်ထဲက သီးပွင့်နေတဲ့အိပ်မက်တွေက လေအေးပေးစက်နဲ့ ရုံးခန်းအကောင်းစားမဟုတ်ပဲ..မီးရောင်တွေ တစ်ဝုန်းဝုန်းပေါက်ကွဲနေတဲ့ စင်မြင့်ထက်မှာလေ).. ကိုငယ်က သိပ်ကြိုးစားတယ်..မိသားစုအတွက် ညီမငယ်တွေအတွက်..ညီငယ်လေးတွေအတွက်..သူငယ်ငယ်လေးနဲ့အလုပ်စုံတယ်..သမာအာဇီဝပေါ့လေ..ရသမျှငွေကို မေမေ့ကိုအပ်..(အဲဒီအချိန်မှာ ဖေဖေက စီးပွားကျတဲ့ဒဏ်ကို လွဲမှားစွာ ရင်ဆိုင်ရင်း ယစ်ထုပ်ကြီးဖြစ်နေပြီ နှလုံးရောဂါကလဲ ခံစားနေရသေးတယ်)..အဲဒီအချိန်မှာ ဖေဖေအမြဲတမ်းပြောတဲ့စကားကတော့ သူပေးနိုင်တာ ပညာပဲရှိတယ်..စာကိုသင်ပါ..နောက်ဖေဖေ့လို မရှူံးနိမ့်စေနဲ့..တဲ့..သုညအဆင့်မှာပဲဖြစ်ဖြစ်ရှေ့ဆုံးက သုညဖြစ်ပါစေတဲ့..စိတ်ထဲကိုအနက်ရှိူင်းဆုံးစိမ့်ဝင်ခဲ့တဲ့ စကားနှစ်ခွန်းပေါ့..ပညာနဲ့အနိုင်ယူရမယ်.. မေမေက အဲဒီအချိန်မှာ သူ့ရင်သွေးတွေကို ခံတပ်ကြီးတစ်ခုလို..တောအုပ်ကြီးတစ်ခုလို အရိပ်တွေပေး ကာကွယ်ပေးလိုအပ်ချက်တွေ တတ်နိုင်သမျှ ဖြည့်ဆည်းပေးရင်း ကျွန်မတို့ရဲ့..အကောင်းဆုံး ခိုနားရာကြီးပေါ့..(ကျေးဇူးပါ မေမေ).ခုနှစ်တန်းနှစ်မှာ ဒဂုံမြောက်ပိုင်းကိုပြောင်းရတယ်..ပျော်ပျော်ပဲ ပြောင်းခဲ့တာပေါ့..မိသားစုနဲ့အတူတကွပဲလေ..ဒါပေမယ့် ကျောင်းဖွင့်ချိန်မှာ သမိုင်းမှာ ကျောင်းပြန်တက်ရတော့ ဒဂုံကနေ တက်ဖို့ မဖြစ်နိုင်တော့ ကိုလေးတို့မိသားစုနဲ့သွားနေပြီး ကျောင်းတက်ရတယ်..အဲဒီမှာ သူစိမ်းဆိုဘယ်သူစိမ်းမှ မကောင်းဘူးဆိုတဲ့ သံသယကြီးအမြစ်တွယ်ခဲ့တယ်..ကိုလေးရဲ့ဇနီးက သူ့မိသားစုအတွက် ဟင်းကသပ်သပ်..အကြီးအငယ် စားဖို့ဟင်းသပ်သပ်ချက်တယ်..ရှင်းပြစရာတော့လိုမယ်မထင်ဘူး..ဗီတာမင်အပြည့်အ၀ပါတဲ့ အသီးအရွက်မျိုးစုံကို အဲဒီအချိန်ကစပြီး ကြိုက်တတ်သွားခဲ့တာ ထင်တာပဲ..တစ်နှစ်လုံး ၀မ်းနည်းသိမ်ငယ်မှုတွေနဲ့ ကျောင်းတက်ရတယ်..(ဖေဖေနဲ့မေမေ့ကိုတော့ ဆယ်တန်းအောင်ပြီးမှ အဲအကြောင်းတွေ ပြန်ပြောဖြစ်တယ်ထင်တယ်..ရယ်ရယ်မောမောနဲ့ပေါ့လေ) အဲလိုနဲ့ပဲ အထက်တန်းရောက်ခဲ့တယ်ပေါ့လေ..ကျောင်းပြောင်းခဲ့တယ်..ကျွန်မရဲ့နေရောင်ခြည်တွေကိုစတွေ့ရတဲ့စာသင်နှစ်ပေါ့..အဲဒီအချိန်မှာ စာသင်ခန်းထဲမှာလဲ သင်းကွဲ ပဲပေါ့ ညီအစ်မ နှစ်ယောက်လုံး..ဒါပေမယ့် အဲဒီ စာသင်ခန်းတွေကပဲ..လူတစ်ယောက်ရဲ့ကောင်းခြင်းမကောင်းခြင်းဆိုတာ..လူပေါ်မှာပဲ မူတည်တယ်..သွေးသားတော်စပ်မှုနဲ့မဆိုင်ဘူး ဆိုတာ သိခဲ့ရတယ်..
..ကျောင်းသွားဖော်ဆိုတာ သိပ်ကိုအဓိပ္ပါယ်ရှိတဲ့စကားလုံးလေးအဖြစ် ကိုးတန်းနှစ်မှာ ကျွန်မ လက်ခံခဲ့တယ်..ကျွန်မလူကြီးဖြစ်ပြီလေ..အတန်းထဲမှာ..ကျွန်မတို့က ချစ်ဖို့ကောင်းတယ်ဆိုပဲ..ဗမာလူမျိုးတွေအများကြီးရှိတဲ့ကျောင်းမှာ..ကျွန်မတို့က ပြူးတူးကြောင်တောင်သင်းကွဲလေးတွေပေါ့..(အော် ကျွန်မတို့အလယ်တန်းမှာက ကရင်လူမျိုးတွေအများကြီးရှိတဲ့ ကျောင်းတစ်ကျောင်းမှာ တက်ခဲ့တာ)ဘယ်သူ့ကိုမှလဲ စကားမပြော..ညီအစ်မနှစ်ယောက်ထဲတွတ်တွတ်တွတ်တွတ်လုပ်နေတဲ့ကျွန်မတို့ကို..ဆရာမကခေါ်ပြီး ပတ်ဝန်းကျင်နဲ့အဆက်အသွယ်လုပ်ဖို့ပြောရတဲ့အထိ ကျွန်မတို့လူသိပ်ကြောက်ခဲ့တာ..
ကျွန်မတို့စာသင်ခန်းဖော်တွေက..စာသင်ခန်းနဲ့သူငယ်ချင်းဆိုတာ ပိုက်ဆံနဲ့ခေတ်ဆန်ဆန်ယဉ်ကျေးမှုတွေလို မစိမ်းကားဘူးဆိုတာကို သင်ပေးခဲ့ပါတယ်..ကျွန်မတို့ ကျူရှင်မတက်နိုင်ခဲ့ဘူး..သူငယ်ချင်းတွေကသူတို့ကျူရှင်က သင်ပေးတာတွေကို ပြန်ပြောရှင်းပြ..နားလည်ခဲ့ရတယ်..မြန်မာနိုင်ငံရဲ့ပညာရေးကကျူရှင်တွေကို ပံ့ပိုးကူညီတဲ့စနစ်လေ..အပြင်သင်တန်းမယူရင် အတန်းထဲမှာ သူလိုကိုယ်လိုရဲ့အနောက်ကလူဖြစ်တဲ့စနစ်..ကိုးတန်းကိုကုတ်ကတ်ပြီးအောင်လာခဲ့တဲ့ကျွန်မတို့ညီအစ်မဆယ်တန်းမှာလဲ အနောက်ဆုံးအတန်းမှာထိုင်ရတယ်..ပျော်တာပါပဲ..သူငယ်ချင်းတွေက..ကိုယ့်အတန်းမှာလာထိုင်ကြတာကိုး..အော် မေ့လို့ပြောပြရဦးမယ်..
အတန်းခေါင်းဆောင်ကလေ..ကိုးတန်းနှစ်ကပေါ့..ကျွန်မကို ရည်းစားစာပေးတယ်..ကျွန်မကဘယ်ရမလဲ..မိန်းမတို့မာယာသုံးပြီး အာခေါင်ခြစ်ပြီးအော်ငိုတာ..လူပုံအလယ်မှာ..သူတို့တစ်ဖွဲ့လုံးဘာလုပ်ရမှန်းမသိ ခြေမကိုင်မိ လက်မကိုင်မိဖြစ်ကုန်တာပေါ့..မသိရင်ပဲ ကျွန်မပုံစံက ရုတ်တရက် နင့်အဖွားဆုံးသွားလို့ ဆိုတဲ့သတင်းကြားရသလိုမျိုးကို အော်ငိုတာဆိုတော့.သူတို့လဲ လန့်တာပေါ့...ဟဟဟ..အမှတ်တရပါပဲ..နောက်ပိုင်းအဲလိုမဆိုးတော့ပါဘူး..ဆယ်တန်းအောင်ပြီးတဲ့နောက်ပိုင်း ကျွန်မတို့ရဲ့ရွှေရောင်နေ့ရက်တွေစတာပါပဲ..ကလေးဘ၀ကိုကလေးဆန်ဆန်မဖြတ်သန်းခဲ့ရပေမယ့်လူကြီးဘ၀ကိုတော့ ဆယ်တန်းအောင်ပြီးကာစကတည်းက ဘာမှန်းညာမှန်းမသိနဲ့လက်ခံခဲ့ရတယ်..ပြောထားပါတယ်..ကျွန်မတို့ကဆင်းရဲတယ်လို့.
.ဆယ်တန်းအောင်ပြီးတာနဲ့.အောင်စာရင်းစောင့်ရင်း အလုပ်လုပ်ရတယ်.
အိမ်စားရိတ်ကိုတစ်ဖက်တစ်လမ်းကနေထောက်ပံ့ရအောင်လို့ အဲဒါကပဲ အိမ်ကိုတာဝန်သိတတ်ရမယ်..ကျွေးမွေးစောင့်ရှောက်ရမယ်..ဆိုတဲ့တာဝန်သိစိတ်ကို စတင်သန္ဓေတည်စေခဲ့တာထင်ပါရဲ့...ကျွန်မတို့မနားခဲ့ရဘူး..နောက် ..ဆရာမသင်တန်း(ကောလိပ်အခြေပြု) တက်ရတော့မှ..ကျောင်းသူဘ၀ကိုပြန်ရောက်ခဲ့တယ်...အဲဒီတုန်းကသူငယ်ချင်းတွေကသိပ်ကောင်းခဲ့ကြတာ..တကယ့်ညီအစ်မတွေလိုမျိုး..
အဆောင်မှာအတူတူနေရတာကိုး..ပျော်စရာသိပ်ကောင်းပါတယ်..ပိုက်ဆံမရှိတဲ့သူ.ပိုက်ဆံရှိတဲ့သူ..အားလုံးကအတူတူပဲ..ညီမျှတယ်.ဘက်လိုက်မှုမရှိဘူး..ဆရာမတွေကလဲ သ်ိပ်ကိုတော်တယ်..သူတို့ကိုအားကျရင်သူတို့လိုငါတော်ရမယ်ဆိုတဲ့စိတ်အသိလေးက တိတ်တိတ်ကလေးကိန်းအောင်းနေခဲ့တယ်..ဆရာမ ဒေါ်ဟန်ဟန်သီက ကျွန်မ အလေးစားရဆုံးဆရာမတစ်ယောက်ပေါ့..နောက်ဒေါ်မာလာကြည်..သူတို့တွေက ပညာရေးနဲ့ဆိုင်တဲ့သဘောတရားတွေ..စာသင်ခန်းကိုဘယ်လိုရအောင်ထိန်းမလဲဆိုတဲ့သင်ခန်းစာတွေကို..ဥပမာတွေနဲ့သင်သွားပေးတာ.
.သူတို့အင်္ဂလိပ်စာ အင်္ဂလိပ်စကားကလဲ သိပ်ကိုကောင်းတယ်..ဒေါ်ဟန်ဟန်သီပြောခဲ့တဲ့စကားလေးတစ်ခွန်းက ကျွန်မဘ၀ကိုသိပ်ပြောင်းလဲစေခဲ့တာပေါ့..တစ်ခုခုကို..ကိုယ်တစ်ကယ်ဖြစ်ချင်တယ် လုပ်ချင်တယ်.ဆိုရင်ကိုယ့်ကိုကိုယ်သေသေချာချာပြန်ဆန်းစစ်ပါတဲ့..တကယ့်ကိုအဲဒီအရာက ကိုယ့်စိတ်ထဲမှာ အမြုတေတစ်ခုလိုစွဲနေရင်..တစ်နေ့နေ့မှာဖြစ်ကိုဖြစ်ပါတယ်တဲ့..ကြာရင်လည်းကြာမယ် မြန်ရင်လဲမြန်မယ်..
ကိုယ်ရောက်သွားတဲ့နေရာနဲ့ကိုယ့်အမြုတေနဲ့လိုက်ဖက်ညီတဲ့တစ်နေ့..သမီးအဲဒီအရာကိုရလိမ့်မယ်တဲ့...
ကျေးဇူးတင်ပါတယ်..ဆရာမ..အဲဒီအရာကကျွန်မဘ၀ကိုပြောင်းလဲစေခဲ့ပါတယ်..ကျွန်မအင်္ဂလိပ်စကားသိပ်ပြောတတ်ချင်ခဲ့တာ..native speaker တစ်ယောက်လောက်နီးပါးပေါ့..ငယ်ငယ်လေးထဲက စွဲလန်းခဲ့တာအဲလိုဖြစ်လာဖို့..အခုလဲ ဒီဘာသာစကားကြောင့်ပဲ..
ကျွန်မ ပုံမှန်ထက်နည်းနည်းသာတဲ့အနေအထားမှာရပ်တည်နိုင်ခဲ့တယ်လေ
မိုးညများမှာအချစ်ပျောက်ကိုရှာတုန်း..ဒီမိုးစက်တွေနှိပ်စက်ကြ..အိုး..မိုးသည်းထဲကကိုယ့်ရဲ့မျက်ရည်..ဘယ်သူမှ မတွေ့ဘူး..လွမ်းမိုးတွေသည်းတုန်းပေါ့..စာနာနိုင်သူမရှိ..မအိပ်ဘူးညတွေကိုယ့်တစ်ယောက်ထဲ..တွေ့မလားမင်းကိုရှာနေခဲ့.မပျော်တဲ့နေ့များရယ်..မပျော်နိုင်ညများထဲ..မင်းကိုရှာခဲ့အချစ်..ဒီမှာတော့အသည်းတွေကွဲ..
သီချင်းလေးက ကြာခဲ့ပြီ..သီချင်းလေးကိုဆိုခဲ့သူတွေလဲကြာခဲ့ပြီ..သီချင်းကိုကြိုက်ခဲ့တဲ့ကောင်မလေးတစ်သိုက်ကလဲ....တစ်ယောက်နဲ့တစ်ယောက်
အဝေးကြီးကိုရောက်သွားကြပြီ..အနီးဆုံးမှာနေကြရင်း..ဒီရေညှိက ငါ့ထက်ချောတယ်ဟ လို့ စပြောခဲ့တဲ့ ငါ့သူငယ်ချင်းမလေး.အသားညိုညို.ဆံပင်အရှည်ကြီးနဲ့ ကောင်မလေးပေါ့..အဲဒီတုန်းက.အခုတော့..ဟိုးအဝေးကြီးမှာ..စိတ်ချင်းဝေးနေကြပြီ..လူတွေဘာကြောင့်နီးနီးလေးနဲ့စကားကိုအကျယ်ကြီးအော်ပြောကြတာလဲဆိုတဲ့စကားလေးကို အခုမှ နားလည်ခဲ့ပါတယ်..ကျွန်မ့တွေဆိုးခဲ့ကြတယ်..တေဖော်တေဖက်ညီခဲ့ကြတယ်..တဲ့..ရပ်ကွက်ထဲက လူတွေကပြောတယ်..သူတို့လဲ ချစ်ကြတယ် အဲဒီကောင်မလေးတစ်ဖွဲ့ကို..
သူတို့ကရိုးရိုးလေးဆိုးကြတာကို..လက်ဖက်ရည်ဆိုင်ထိုင်တယ်..အဲ..အဲဒီအဖွဲ့ရဲ့အသက်အငယ်ဆုံးကောင်မလေး မွေးနေ့တစ်ခုမှာ..သူတို့ အရက်ခိုးသောက်ကြတယ်..သိလား..ဘီအီးဆိုတဲ့အရက်..ခါးလိုက်တာ..ဆိတ်သားခြောက်နဲ့..မွေးနေ့ရှင်ပဲ အရင်ဆုံးမူးပြီးအိပ်ပျော်သွားတာ..တစ်ခါတစ်လေ ရပ်ကွက်ထဲမှာ လူခြေတိတ်တဲ့အချိန်ထိ သူတို့တစ်ဖွဲတေလို့ပေလို့ကောင်းတုန်း..အဲဒီအဖွဲ့ထဲကကျွန်မတို့ နှစ်ယောက်က ခြံဝင်းအကျယ်ကြီးမှာနေကြတာ..ချမ်းသာလို့လို့မထင်နဲ့..မေမေအလုပ်လုပ်တဲ့ကျောင်းမှာ အိမ်ဆောက်ပြီးနေနေတာ..အဲဒီကျောင်းဝင်းထဲမှာ ရာသီ ခုနှစ် ရာသီ လည်ပတ်ခဲ့ကြတယ်..သူတို့တွေကစားကြတယ်..ဆယ်တန်းအောင်ပြီးတာတောင်..သူတို့ ကလေးတွေလိုကစားလို့ကောင်းတုန်း..ခရီးထွက်ကြတယ်...အဲဒီထဲမှာမှ အညိုရောင်ကောင်မလေးနဲ့** အသားနီနီကောင်မလေးက ပိုတွဲတယ်..ပိုမျှဝေဖြစ်ကြတယ်ပေါ့..ခံစားချက်တွေတူကြတယ်..စိတ်ကူးယဉ်တာတွေလဲ တူတယ်.."နင်ကြီးလာရင် ငါ့ကို သိန်းနှစ်ဆယ်ချေးနော်"..တဲ့..ရယ်ရတယ်..တစ်ယောက်ကလဲ ပြန်ပြောတယ် "ချေးမှာပေါ့ဟ" တဲ့..သိန်းနှစ်ဆယ်ဆိုတဲ့ငွေကြေးက..သိပ်မထူးခြားတဲ့ကိန်းဂဏန်းအဖြစ် ရောက်လာမယ့် ခေတ်မှာ သူတို့က ကလေးဘ၀ သိန်းနှစ်ဆယ် သဘောတူညီမှုထက် များတဲ့ ကွဲလွဲမှုတွေ သဘောထားမတိုက်ဆိုင်မှုတွေ..မာန..တွေနဲ့..လူကြီးတွေဖြစ်နေကြတယ်..
ဒါပေမယ့် ခုချိန်ထိ အသားနီနီနဲ့ကောင်မလေးက..ကလေးဘ၀ကရော..သူအရမ်းကြေကွဲအားငယ်နေခဲ့တဲ့အချိန် သူ့ဘက်မှာရပ်တည်ရင်း..သူ့သူငယ်ချင်းအားပေးခဲ့တဲ့စကားတွေကို ခုထိ မမေ့ဘူး..နားထဲမှာကြားတိုင်း မဲ့ပြုံးပြုံးဖြစ်တယ်..တဲ့.
အလင်းတွေနဲ့ထုဆစ်ရင်း...အနာဂတ်ကပါးပါးလျလျ...
ခံစားနေကျကဗျာတွေလဲမချိုမြနိုင်တော့ဘူး..
တစ်နေ့ပြီးတစ်နေ့ သေချာလာတာ ဘ၀ကပျင်းဖို့ကောင်းတယ်..
အင်း အဲလိုနဲ့ကြီးပြင်းခဲ့ကြပါတယ်..ငယ်ငယ်ကစကားနည်းခဲ့သလောက်..အရွယ်လတ်လတ်မှာ စကားတွေကြွယ်ခဲ့တယ်..စကားဝိုင်းမှာဦးဆောင်ခဲ့သူက ကျွန်မပေါ့..သူက စာဖတ်ရတာကြိုက်တယ် ပြီးတော့ စကားကြွယ်တယ်(လို့ ကျန်တဲ့ကောင်မလေးတွေက မှတ်ချက်ပေးတယ်) ဘာကြောင့်လဲဆိုတော့ စကားနိုင်လုကြတိုင်းမှာ သူကအမြဲလိုလို နိုင်အောင် အချက်အလက်နဲ့ (မှန်သည်ဖြစ်စေ မှားသည်ဖြစ်စေ) ကိုးကားပြောတယ်..စကားလုံးတွေနဲ့ပစ်ပေါက်ပြီး သူတို့ကိုနှိပ်စက်တယ်..လေ..ပျော်စရာအရမ်းကောင်းတယ်..ပြီးရင် ရယ်ကြတယ်..အသက်အငယ်ဆုံးကောင်မလေးက ပြောဖူးတယ်..အသားနီနီကောင်မလေးနဲ့ သူ့မောင်လေး စကားများရင် သူတို့ပြောတဲ့စကားတွေ သူနားမလည်ဘူးတဲ့..ရယ်ကြသေးတယ်..အပြစ်သားတွေမဖြစ်ခင်ပေါ့..သူတို့ဘယ်သွားသွား..ဘာလုပ်လုပ်..တစ်ပူးတွဲတွဲ..နဲ့ပေါ့..အညိုရောင်ကောင်မလေး တက္ကသိုလ် သွားတက်တော့ အသားနီနီကောင်မလေးက သူ့ဘေးမှာ အဖော်အဖြစ် ခပ်တည်တည်နဲ့လိုက်တက်တယ်..သူတို့တွေ ဆယ်တန်းအောင်တော့ မေဂျာတွေကွဲပြီး တက်ရတဲ့အချိန်တွေမတူတော့ဘူးလေ..အညိုရောင်ကောင်မလေးက အဝေးသင် ၀ိဇ္ဇာတန်းတက်တယ်..သူ့အတန်းထဲမှာ သူ သူငယ်ချင်းမရှိဘူး..ဘယ်ရှိမလဲ သုံးနှစ်လုံးလုံး တစ်ပြုံတစ်မကြီးကျောင်းလိုက်တက်ပြီး ၀ရုန်းသုန်းကားလုပ်နေမှတော့..အသားနီနီကောင်မလေး က အတန်းထဲမှာ စာရောသင်နေတုန်း..ကျန်တဲ့ကောင်မလေးနှစ်ယောက်က ဒဂုံတက္ကသိုလ်တစ်ခွင် ပြဲပြဲစင်အောင် ငါးလိုက်မျှားကြတယ်..ပြီးတော့ ဂဏန်းတွေကို လက်မတွေ ခြွေပြီး ရေထဲပြန်လွှတ်တယ်..သူတို့ ငရဲကြီးမှာကိုကြောက်လို့ ပြန်လွှတ်ပေးတာတဲ့..လက်မက မိကတည်းက ခြွေမိသွားတော့ ပြန်တပ်ပေးလို့မရတော့ဘူးလို့လဲ ညောင်နာနာ ပြောကြသေးတယ်..တစ်ခါတည်းမဟုတ်ဘူး အခေါက်ခေါက်အခါခါ...နောက်ဆုံးနှစ်မှာအသားညိုညိုကောင်မလေး ၀ိဇ္ဇာတန်းပြီးကာနီး ကျွန်မတို့လေးယောက် ဓာတ်ပုံတွဲရိုက်ကြတယ်..(အဲဒီအခေါက်က နောက်ဆုံး အဖုအထစ်ကင်းကင်းစင်စင် နဲ့ အတူတွဲပြီး ရိုက်ခဲ့ကြတာပဲ)...အတူတူသာ လျှောက်သွားတာ ရန်ကလဲ ဖြစ်ကြသေး သဘောထား မတိုက်ဆိုင်လို့..အတွေးမတူကြလို့ (အဲဒါတွေက အက်ကြောင်းတွေ ဖြစ်လာမယ့် သဘောထားမတိုက်ဆိုင်မှုတွေရဲ့ အစ ပဲ ဖြစ်မယ်ထင်ရဲ့)..ဒါပေမယ့် တစ်ခြားသူတွေနဲ့ ယှဉ်လာရင် သူတို့အဖွဲ့ထဲကလူသာ အကောင်းဆုံး အလှဆုံးတဲ့...ဒါပေမယ့်..အသက်တွေကြီးပြင်းလာတာနဲ့အမျှ မတူညီမှုတွေ..သွားတဲ့မြှားတွေက ပိုပြီး အရှိန်အဟုန်ပြင်းလာခဲ့ကြတယ်..ဆန့်ကျင်ဖက်ယုံကြည်မှုတွေနဲ့..
ဘ၀ကျန်းမာရေးအတွက်..ငါသောက်နေတဲ့ဆေးတွေ
ဖန်တီးခြင်းအနုပညာကိုယိုယွင်းစေတယ်..
ကဲ ဘယ်လိုလုပ်မလဲကွယ်..
ကျွန်မတို့ကျောင်းပြီးသွားတော့ ဆရာမဖြစ်သွားရောလို့ အကျဉ်းချုံးပြီးဆိုကြပါစို့..နှစ်နှစ်တိတိ အဖြူအစိမ်းကို ကျောင်းသူဘ၀တုန်းကလိုခံစားချက်မဟုတ်ပဲ မြင့်မားတဲ့ခံယူချက်တွေ ကျောင်းတော်က ပို့ချလိုက်တဲ့သင်ခန်းစာတွေနဲ့ ဆရာမတစ်ယောက်ရဲ့ခံယူချက်အပြည့်အ၀ထားပြီး ပေးဆပ်ခဲ့ပါတယ်.. ကျွန်မက စည်းဘောင်တွေကိုမုန်းတယ်ရှင့်..လူငယ်တွေရဲ့အနာဂတ်ကို ထုဆစ်ဖို့ ပန်းပုဆရာတစ်ယောက်ရဲ့သူ့ရဲ့ ပုံတူပေါ်မှာထားတဲ့ တန်ဖိုးတစ်ခုအတိုင်းပဲ..ကျွန်မ ရဲ့ လူသားပန်းပုလေးတွေကိုအလှပဆုံးထုဆစ်ပေးဖို့ စေတနာအပြည့်နဲ့ ဆရာမလေးတစ်ယောက်အဖြစ် ကိုယ့်ကိုကိုယ် ဂုဏ်ယူခဲ့ပါတယ်.. ဒါပေမယ့် လူငယ်တွေရဲ့အနာဂတ်ကို ရှေးရိုးစွဲ ယုံကြည်မှုအစဉ်အလာတွေနဲ့ ဘောင်သွင်းဖို့ကျွန်မရော ကျွန်မရဲ့ညီမ ပါ စိတ်ကူးမရှိခဲ့တာချင်းတူခဲ့တယ်..အဲဒီတော့ ဆရာတစ်ယောက်ရဲ့ စည်းမျဉ်းစည်းကမ်းတွေ..ပို့ချချက်တွေ စိတ်ပညာပိုင်းဆိုင်ရာချဉ်းကပ်မှုတွေအကြောင်းနားမလည်တဲ့ ယူနီဖောင်းပြောင်းဝတ်ထားတဲ့ အထက်လူကြီးဆိုတဲ့သူတွေကို ကြည့်မရဘူး..အထင်မကြီးဘူး..စာသင်ကြားမှုအပိုင်းကို သေနတ်ကျည်ဆံတစ်ခု ပစ်မှတ်ကို ဘယ်လိုထိအောင်ပစ်မလဲပဲနားလည်သူတွေက ခြယ်လှယ်တာကို ဆန့်ကျင်တယ်...ကျွန်မတို့က ကလောင်ကိုင်ထားတဲ့သူတွေကိုစာသင်နေတာလေ..သေနတ်ကိုင်ထားတဲ့သူတွေကို သင်တန်းပေးနေတာ မှမဟုတ်ဘဲ...နော့..ဟုတ်တယ်မဟုတ်လား...နောက်ဆုံးတော့ အဖြေက အလုပ်က ထွက်သည်..ပေါ့ရှင်...အဲလိုနဲ့ အဖြူအစိမ်းဝတ်တဲ့ အထက်တန်းပြ ဆရာမကနေ..ကိုယ်သိတဲ့တတ်တဲ့ အသိပညာကို အခြားဘာသာစကားတစ်ခုကို လူငယ်တွေဆီဖြန့်ဝေပေးတဲ့ ဆရာမ ဖြစ်လာရောဆိုပါစို့...(အဲဒီအခါမှာတော့ စေတနာမှာ နည်းနည်း အုတ်ရောရော ကျောက်ရောရောဖြစ်လာတာပေါ့နော်..သင်ယူသူတွေဆီက လခယူပြီးသင်တာဆိုတော့ ဟက်ဟက်)
၂၆ ရက် ဂျွန် ၂၀၁၁
မနက် သုံးနာရီ တစ်ဆယ့်ရှစ်မိနစ်
No comments:
Post a Comment